بندٕکر بندگی انٛد نو ترأوی

بندٕکر بندگی انٛد نو ترأوی
Band-e kar bandage aund no traeve
دیدارِ مولا ہأوی یو
Deedari moula haevi yo
لَے کر دروٗدس پرٕ نو پأوی
Ly kar droodas parr-e no paevee
دیدارِ مولا ہأوی یو
Deedari moula haevi yo
صُبحٕچہِ نمازِ ییٛلہِ وُزٕنأوی
Subhachi nimazi yeli vuznavee
آبس کُن پکہ نأوی یو
Aabas kun paknaevi yo
خانے کعبس کُن نمہٕ نأوی
Khany kabas kun nemnavee
دیدارِ مولا ہأوی یو
Deedari moula haevi  yo

پیشنٕچہِ نمازِ ییٛلہِ وُزٕنأوی
pishnec nimazi yeli vuznavee
جِگرٕچ تٔر پھۄلہٕ رأوی یو
Jigrech taer folravi yo
خانے کعبس سجدٕ دیاوٕ نأوی
Khany kabas sajd-e dyaavnavi
دیدارِ مولا ہأوی یو
Deedari moula haevi yo
دِگرٕچ نماز ییٛلہِ وُزٕنأوی
digrechi nimaz yell-i vuznavee
 جامن  تنہِ مژرأوی یو
Jaman tanni mucxravi yo
خانے کعبس طواف کرنأوی
Khany kabas tawaf karnavi
دیدارِ مولا ہأوی یو
Deedari moula haevi yo

شامچہِ نمازِ ییٛلہِ وُزٕنأوی
Shaamchi nimazi yeli vuznave
چشمن گاش پھولہٕ نأوی یو
chashman gaash folnavi yo
خانے کعبس زوُل کرنأوی
Khany kabas zool karnavi
دیدارِ مولا ہأوی یو
Deedari moula haevi yo
خۄفتن نمازِ ییٛلہِ وُزٕنأوی
Khuftan nimazi yeli voznave
پانٛژھ وق پوٗرٕ کر نأوی یو
Paañcxh wakh poor-e karnavi yo
سوپوری رٔحِم لَر پتھر ترأوی
Sopoir rahim larr pather traevi
دیدارِ مولا ہأوی یو
Deedari moula haevi yo